Bernhard (Manfred Meyer) will so´n lüttjet Techtelmechtel mit Cathrin (Anja Stelljes) anfungen un bruukt doorto eene strumfreeé Bude. He maakt siene Fro Claudia (Helga Klutentreter) klaar, dat dat bannig wichtig is, ehre Mudder in Kiel to besöken un dat de Huusdeern Anna (Christa Kuttler) ao all lang nich mehr ehren Vadder to sehn kregen hett. Dat Claudia mit Robert (Jörn Meyer-Melloh) ok wat an`t Lopen hett, dat ahnt Bernhard nich. He sulbens mutt ja beruflich ok ganz dringend nah Köln föhren. Su kummt dat denn, dat se mit eenmaal all ut´n Huus sund.

Normaalerwies is an dissen Punkt een Theaterstück toenn, denn wenn numms mehr op de Bühne is, is dat ja nich so wirklich lustig.
Aber hier is eben nix normaal!

Mit´n Maal sund se komischerwies all woller door! Eerst Anna alleen, un denn ehre Heerschaften! Beide denkt ja, de Wohnung is leddig un wööt ehr nu for en feinet Rendezvous nutzen - natüürlich to glieke Tiet! Wat worrd door nu blooß von? Wenn de sick nu drapen doht!

Dat is de Stunnen von Anna, de all Hannen vull to dohn hett un de ganze Nacht nich to Ruhe kummt. Worum se amenn dat Goldstück is, dat seht ji denn!

Veel Spaaß wünscht Jué Worphüser